Sorospen titulua ateratzeko ikastaroa antolatu dute otsailean

sorosle eta lehen so­ros­pen ikastaroa antolatu du DYA Gipuzkoak Her­na­nin. Hiru asteko ikastaroa izan­go da, eta datorren hi­la­betean emango dute guz­tira:  otsailaren 3tik 21era. As­­telehenetik ostiralera izan­go dira saioak, In­ma­kulada ikastetxean, ­arra­­­­tsaldeko 19:00etatik 21:00­etara.

Ez da beharrezkoa oinarrizko ezagupenik izatea
Ikastaroa izaki, aurretik ezagupen basikorik izan beharrik ez dagoela azaldu dute antolatzaileek.
Ikastaroan erakutsiko dute, eguneroko bizitzan aurki ditzakegun arrisku egoerei aurre nola egin: bihotz eta birika sus­per­keta, zauriak, hausdurak, erredurak... Ezagupen arrun­tak izango dira, baina momentu jakin batean la­guntza haundia eman de­zaketenak. Teoria eta praktika tartekatuko dira, ikastaroan.

Frogak gainditzen dituenak, titulua
Ikastaroa bukatzean, froga bat egingo zaie ikasleei, eta gainditzen dutenek lortuko dute DYA Gipuzkoak ema­ten duen titulua.

Matrikula eta izen ematea
Ikastaroan parte hartu nahi dutenek, edo infor­mazio gehiago behar du­tenek telefono bidez jarri behar dute DYA­rekin harremanetan: 943 46 46 22. Go­goratu dute ikasle ko­purua mugatua izango dela, emango duten ikas­taroaren kalitatea bermatu nahi baitute.
Ikastaroaren prezioa, ma­trikula, 110 eurokoa da.