eskubide sozialen karta ekimena martxan da Euskal Herri osoan, eta Hernanin ere sortu da talde bat, honen harira lanean ari dena. Gaur dute aurkezpena, Biteri kultur etxean, goizeko 11:30etan. Taldearen berri eman, eta ekimenaren nondik norakoak azalduko dituzte bertan. Haurrentzako dinamikak ere, antolatu dituzte.
Konponbide bateratua bilatzea, helburu
Eskubide sozialen kartaren helburuetako bat da, konponbide bateratua ematea gaur egungo krisi egoera desberdinei. Martxan jarri duten eragileek diote, gauzak beste modu batean egin daitezkeela eta egin beharko litezkeela.
Herritar guztiei deia
Hernaniko taldea martxan da eta ateak zabalik ditu batu nahi duten guztientzat. Herritarrei egindako gonbitean, hala diote: «bide honetan, gu guztiok egoteak du zentzua».