Hasi dira egiten Portu-Karabel arteko oinezko eta bizikletentzako bidea

atzo hasi ziren egiten Portu eta Karabel auzoa elkartuko di­tuen bide berria, oinezkoen­tzat eta bizikletentzat. Orain­go kotxeentzako bidearen on­doan egingo dute, eta altura berean joango da. Kronikak jakin ahal izan duenez, bi hilabete barru bukatuta egongo dira obrak. Zehatz esanda, bide hori abiatuko da etorkizuneko Kara­belgo zubiaren aurreko errotondatik, eta Por­tutik Ur­nietara dijoan oinezko bi­dearekin elkartuko da. Diputazioa ari da lanak egiten, eta Bea­sain eta Donostia elkartzen dituen Gipuzkoako bidegorri sarearen zati bat da hau; guztira, 250.000 euroko aurrekontua du. Bost metro zabaleko bidea da: bi metro oinezkoentzat, beste bi bizikletentzat, eta metro bat argia eta zuhaitzak jartzeko.