Tamaina haundiko hondakinak, hau da, mahaiak, sofak, armairuak, garbigailuak edo antzekoak ateratzeko aukera izango da gaur. Bihar goizean bilduko dituzte Udaleko langileek. Baina horretarako, behar beharrezkoa da aurretik Atez Ateko bulegora deitzea. Ondoren, beraiek esandako lekuan utzi behar dira hondakinak.
Deitzen ez bada, isuna
Atez Ateko bulegora deitu gabe hondakinak utziz gero, isuna jarriko du Udalak eta 300 eurora iritsi liteke. Honako telefonora deitu behar da: 900 840 090.
Bi astetik behin
izango da bilketa
Bi astetik behin jasoko ditu Udalak tamaina haundiko hondakinak. Hurrengo bilketa eguna, urtarrilaren 30ean izango da eta bezperan, urtarrilaren 29an atera beharko dira kalera.
Bestela, beste bi aukera ere badira hondakin haundiak etxetik ateratzeko: Garbigunera eraman (Ibarluze poligonoa) edo Berrerabilpen Zentrora (Nafar kalea, 19 - 943 50 63 41).