Iturmendin, bertako zuhaitz espezieak aldatzen ari da Udala, aste honetan zehar. Hain zuzen, 400 gereziondo eta 100 gaztainondo aldatuko dituzte. Bertan, Panpako lezka deitzen zaion (cortaderia selloana) landare inbaditzailea izugarri zabaldu da eta ekimen honekin, helburua da, landare inbaditzaile horrek hazteko lekurik ez izatea eta desagerraraztea.
Desagertzeko zaila
Aurrez tratatu egin dira landare horiek, hau da, glisofato herbizida bota die Diputazioak, Udalaren eskariz, eta orain bertako zuhaitz landareak aldatzen ari dira Udaleko landazaina eta lau laguntzaile. Hala azaldu dio Kronikari, Roxario Pikabea landazainak: «Herbizida botata ere ez da galtzen. Oso landare gogorra da. Gure asmoa da, bide naturalarekin galduaraztea. Hau da, bertako landarea sartu dugu hutsuneetan; landarea ugaritu dugu. Hazten direnean, itzala egingo diote kortederiari, konpetentzia; itoarazi egingo dute eta desagertu egingo da».