Bosgarren postua, Tejeroren entsaioari esker

Hernaniko 5 jokalarik Emakumezkoen Txapelketa Autonomikoa jokatu dute asteburu honetan Galizian, Euska­diko Selekzioarekin (Amets Castrejana, Maialen Aranegui, Anabel Perez, Marta Tejero eta Leire Rodriguez.). Selekzioak bosgarren postua lortu du. Postu hori eskuratzeko, Andaluziaren aurka neurtu ziren Andoni Sampe­rioren jokalariak eta Tejeroren entsaioari esker irabazi zuten (5-0). Taldea txapelketa irabazteko aukerarik gabe geratu zen estraineko partidan, Valentziaren aurka galduta (10-5), nahiz eta gero Murtziari erraz irabazi (3-52).