Tiraldi jendetsua taldekako aurrenekoa, eta Segurak irabazi

Bola denboraldia atzo hasi zen, taldekako txapelketako lehendabiziko tiraldiarekin, eta oso jendetsua izan zen, guztira 70 lagunek bota bai­tzuten. Eta lehendabiziko ti­raldia Segurak irabazi zuen 256 brila botata, sei lagunen artean. Marka bikaina, ba­koi­tzak ia 43 brila jo zituela esan nahi baitu horrek. Bigarren, Urnietan izan zen, 251 brilarekin, eta hirugarren CD Hernani, 246rekin.

Gazte asko, eta giro bikaina
Irudi polita zen atzokoa, bola botatzen gazte dexente aritu baitziren, aurreko al­diekin konparatuta. Sei laguneko 10 talde presentatu zi­ren, horrez gain, beste lau la­gunek ere bota zuten, beren kaxa. Goizean momentu batean bete-bete eginda egon zen bolatokia, eta hernaniarrek badute kulpa zati bat horretan, Hernaniko bi talde eta Ereñotzuko bat izan baitira aurten ere, aurreko urteetan bezala. Gabirik ere gaz­te dezente mugitzen omen ditu, eta beste herri batzuetan ere ari dira lanean.

Bigarrena, Olaberrian
Olaberrian dute bigarren eta azken tiraldia, datorren asteburuan, eta lehendabiziko hiru taldeez gain, ea Herna­ni­ko beste biek zer egiten dute. Elur Txorik 206 brila ditu, eta Ur Miak 177 brila.

Burugain bigarren
Gaurko tiraldia bana ere kontatzen zen, eta hor Mi­guel Bu­rugain hernaniarra bigarren izan da, 47 brilarekin.