Mobilizazioetan parte hartzera deitu dute, atxiloketei erantzunez

Zortzi lagun atxilotu zituen asteazkenean Guardia Zibi­lak. Euskal Preso Po­li­tikoen Ko­lektiboaren bitartekaritza tal­de­ko kideak. Horien artean dira, Jon Enparantza eta Jose Campo abokatuak, Hernanin lan egiten dutenak. Euren bulegoa ere miatu zuten. Polizia operazio hau sala­tzeko eta atxilotuak askatzeko eskatuz, manifestazioa egin zen atzo Hernanin, eragile desberdinek deituta. Eta mo­bilizazioetan parte hartzera deitu zuten. Kontzentrazioa izango da gaur Donostiako udaletxe aurrean, 12:00etan. Operazio politiko hau ez dutela onartzen azaldu zuten atzo, eta argi dute, EPPKk hartutako erabaki garrantzitsuei emandako erantzuna dela. «Estatuak bake prozesua galarazi nahi du eta etsipena sortu. Estatuaren ahulezia politikoaren ondorio da». Presoen eskubideak defendatzeko lanean jarraituko du­tela azpimarratu zuten.