Dokumentala egin du SOS Arrazakeriak, Hernanin eta Astigarragan dauden errumaniar kanpamenduei buruz, eta dokumental hori emango dute datorren ostegunean, Biterin. Balta Txuria, Balta Berdea. Urumearen zurrumurrua izena du dokumentalak. Atzo aurkeztu zuten prentsaurrean Udal ordezkariek eta AMHER-SOS Arrazakeriako kideek. Kanpamenduan, Europa ekialdeko ijitu jatorriko pertsonak bizi dira eta euren egoeraren berri emateaz gain, instituzioek beraiekin martxan jarri duten planaren berri ematen da dokumentalean. Prejuizioetan ere eragin nahi du dokumentalak. 19:00etan hasiko da eta ondoren solasaldia izango da. (Igandeko Kronikan, informazio gehiago).