datorren igandean irekiko dute 2014ko aurreneko kupela, Hernanin. Plazan izango da irekiera ekitaldia, eta horrekin batera, txotx denboraldia zabalik geratuko da, maiatzera bitartean. Festa eguna izango da datorren igandekoa, egun osokoa: bertsolariak, txotxetik aurreneko sagardoa probatzeko aukera... Hernaniko Kronikak ale berezia argitaratuko du egun horretan bertan, sagardo berriaren eta denboraldiaren informazio guztiarekin.
Errumaniarren kanpalekuaren inguruan, dokumentala
Balta Txuria, Balta Berdea. Urumearen zurrumurrua dokumentala ikusteko aukera izango da Hernanin, hilaren 16an. Urumea ibaiaren ertzean 100 lagun inguru bizi dira Europa ekialdeko ijitu etniakoak. Balta Txuria eta Balta Berdea deitzen zaie auzo edo leku horiei. Astigarragako Udalak herrigune gisa onartu zituen bi leku hauek, eta bertako biztanleak erroldatu egin zituen. Dokumentalak, Hernani eta Astigarragako kanpamendu hauen istorioa biltzen du. AMHERek antolatu du proiekzioa, eta Biterin izango da, iluntzeko 19:00etan hasita.
Kalez Kale Kantari eta erromeria, egun berean
Musika eta dantzarako zita ere izango da urtarrilean. Kalez Kale Kantarikoek euskal kantez jantziko dituzte kaleak, hilaren 12an, eguerdiko 12:00etan. Arratsaldean, berriz, dantzarako aukera jarriko dute San Joan Konpartsakoek; erromeria antolatu dute arratsaldeko 18:30etatik 20:30etara.
Erakusketa berria, asteartetik aurrera
Erakusketarik ere, ez da faltako urtarrilean. Lau Haizetara Gogoan taldeak antolatu du, eta bertan, Condor legioak Gernikan eragindako suntsipena ekarriko dute gogora. Biterin izango da hilaren 7tik 21era, 18:00etatik 20:00etara.
AGENDA
5 Erregeen kabalgata. 18:00etan.
7 Bisuteria-abalorioak ikastaroaren hasiera. Biteri kultur etxean, euskeraz, 19:00etatik 20:30etara.
11 Bigarren eskuko azoka. Atsegindegin.
12 Kalez Kale Kantari. Plaza Berrin, 12:00etan.
12 Erromeria. San Joan Konpartsak antolatuta.
18:30-20:30
12 Txotx Eguna
16 Dokumentala: Errumaniarren kanpalekua Hernani eta Astigarragan. AMHERen antolatuta, Kultur Etxean, 19:00etan.
28 Ipuin kontaketa Apaxirekin. Biteri kultur etxean. 17:30 (3-4 urte) 18:00 (5-7 urte).
LITERATUR SOLASALDIAK
21 Liburua: 3 Mariak, Arantxa Urretabizkaiarena. Ane Mayozen eskutik, euskeraz. Udal Liburutegian, 19:30etan.
ERAKUSKETAK
7-21 Condor legioak Gernikan eragindako suntsipena. Lau Haizetara Gogoanen eskutik, Biteri kultur etxean, 18:00etatik 20:00etara.
GAZTE TXOKOA
4 Dardo txapelketa.
8 Paperezko lanparak egiteko tailerra.
11 Eureka zientzia museora irteera.
17 Murala marraztu eta margotu Gazte Txokoan.
29,30 Kutxak egiteko tailerra.