Giza eskubideen, konponbidearen eta bakearen alde, Tantaz Tanta ekimena deitu dute urtarrilaren 11n Bilbon. Aurretik hainbat ekintza ari dira izaten herriz herri, tartean, Hernanin.
Kontzentrazioa, gaur
Zinkoeneako kontzentrazioa Tantaz tanta, euskal presoen eskubideen alde lelopean burutuko da gaur, 20:00etan hasita. Hernaniko Preso eta Iheslarien senideek jakinarazi dutenez, urtarrilaren 11ra bitarteko deialdiak honen harira antolatutakoak izango dira. Diote, euren senide presoen eskubideak urratuta jarraitzen dutela eta gizarte osoari jakinarazi behar diotela; hala, gaurko kontzentraziora joateko deia luzatu dute.
Hernaniarren tantak
bilduko dituzte, bihar
Tantaz Blai jaialdia antolatu dute bihar Kiroldegian, 19:30etatik aurrera. Hernaniarren aportazioa edo tantak biltzea du helburu jaialdi honek, eta bertan izango dira bat egin duten hainbat herritar, besteak beste: Morau, Xabier Solano, Bertso Eskolako kideak, antzerkikoak, dantzariak... Hernaniar guztiei luzatu diete deia, Kiroldegira gerturatu eta euren tanta eman edo aportazioa egiteko.