Uterga eta Ionentzat txapela, binakako finalean

Uterga eta Ion dira binaka, momentuko erremontista onenak. Astearte arratsaldean jantzi zuten ondo merezitako txapela, Urriza eta Endikari 31-40 irabazita, final haundian. Txapeldunak aurretik joan ziren markagailuan partidu osoan, nagusitasuna aurreneko tantutik erakutsita. Peloteo askoko partidua izan zen, ikusgarria, behin baino gehiagotan ikusleak eserlekutik al­txatu zituena. Bikote sendoa osatzen dute Uterga eta Ionek eta Urriza eta Endika saiatu baziren ere, ez zen nahikoa izan hain preziatua den txapela irabazteko.