Langabetuei zuzendutako proiektu berri bat jarriko dute martxan Hernaniko Enplegu Gunean. Lana bilatzen laguntzeko proiektua da eta urtarrilaren 13tik otsailaren 24ra izango da, astelehenero. Ordutegia: 09:15-11:15. Proiektu berri hau ere, dohainik izango da.
Konpetentzia ugari landuz
Proiektu honen helburua da talde koordinatuak sortzea. Modu horretan, elkarlana bultzatuko baita lana bilatzeko prozesuan. Pertsonen motibazioan eta jardueran ere eragin nahi da eta lortu nahi da norbera izatea ardatza lana lortzeko prozesuan.
Aldi berean, honako konpetentziak landuko dituzte: lankidetza, parte hartzea, tade lana, iniziatiba, antolaketa eta plangintza; «hau da, gaur egungo enpresa-kulturan behar beharrezkoak diren konpententziak», azpimarratu dute.
Egoera berdina bizi dutenei laguntza
Garatuko dituzte ekintzen bitartez, integrazioa landuko da taldean, autoestimua berreskuratuz, ekintza zehatzak egiteko eguna antolatuz eta egoera berdina edo antzekoa bizi dutenei laguntza eskainiz.
Taldea, adin eta lan-eskarmentu ezberdina duten pertsonez osatuko da eta funtsezkoa izango da lana bilatzeko gogoa indartu nahi izatea eta besteei laguntzeko prest egotea.
Hasteko, aurkezpena
Sei saio izango dira denera eta aurrenekoan, urtarrilaren 13an, aurkezpena egingo da. Bakoitzaren gaitasuna, jarrera eta trebetasunak aztertu eta helburuak zehaztuko dira. Horrez gain: motibazioa eta laguntza eman, agenda erabiltzen ikasi, prentsa irakurri...
Bigarrenean, aurrekoari jarraipena eman
Bigarren saioa urtarrilaren 20an izango da eta bertan jarraipena emango zaio aurreneko saioari. Agenda erabiltzen ikasiko dute parte hartzaileek eta prentsa ikuspegi kritikoarekin irakurriko dute.
Hirugarrenean, CV eta aurkezpen gutuna idatzi
Urtarrilaren 27an izango da hirugarren saioa eta posta elektronikoaren garrantzia landuko da. Curriculum Vitaea eta aurkezpen gutuna ere idatziko dute. Horrez gain, agenda nola erabili ikasten jarraituko dute eta prentsa irakurtzen.
Laugarrenean, sakontzen
Gehiago sakonduz, aurreko hiru saioetan landutakoari jarraipena emango diote laugarren saioan. Otsailaren 10ean izango da.
Bosgarrenean, informatika eta internet tresnak erabili
Egunkarietako berriak ikuspegi kritikoarekin irakurtzeaz gain, aztertu eta ikertu egingo dituzte bosgarren saioan, otsailaren 17an. Eta informatika eta internet tresnak erabiliko dituzte ikerketa aurrera eramateko.
Bukatzeko, balorazioa
Seigarren eta azken saioan aurreko saioetan egindakoarekin jarraituko dute eta bukaeran, balorazio bat egingo dute. Otsailaren 24an izango da hori.
Aurrez, izena eman
Parte hartu nahi dutenek, aurrez izena eman behar dute. Horretarako, bi modu: marijo-m@hernani.net, 943 33 68 02 (Marijo); edo bestela,
jaionea@daiteke.com, 943 57 54 24 (Jaione).