Uholdeek eraman zuten Elorrabiko zubi zaharra eta Udalak eman ditu aurreneko pausuak berria eraikitzeko. Plenoak onartu zuen aurrekontua, eta diseinu edo maketa bukatua dago. Zubi berria txuria izango da, sendoa, modernoa, forma aldetik naturarekin bat egiten duena, baina era berean, haustura dakarrena. Hankarik gabeko zubia izango da, Urumearen ur emari naturala errespetatu eta uholdeeak saihesteko aproposa.
Ikusgai, Ave Marian
Rafael Moneo arkitekto nafarrak diseinatutako zubia ikusgai dago Ave Marian. Kursaaleko kuboak egiteagatik da ezaguna, besteak beste Moneo. Norantza bakarreko errepide baten zabalera izango du. Oinezkoentzako bidea izango da nagusi, eta bidegorria ere izango du. Zubia ikusgai izango da urtarrilaren 7ra bitartean. Lanak ere urte hasieran hasiko dituzte eta udazkenerako bukatzea aurreikusten da.
Turistikoki erakargarria
Praktikotasunari bakarrik ez, diseinuari ere, garrantzia eman diote. Zubiak turistak erakartzea bilatzen du, Buruntzaldeako Turismo Planari puntu berezia emanaz.