Gogotsu, duten onena emateko irrikaz dira Hernaniko igerilariak. Ez dute beti etxean Sariren bat jokatzeko aukera izaten, eta orain arte egindako lanaren fruituak erakustea dute helburu. Hernaniko Sariaren 27garren edizioa jokatuko da gaur Kiroldegian, 09:30etatik aurrera. Inguruko bost taldek hartuko dute parte: Buruntzaldeak, Ordiziak, Tolosaldeak, Zarautzek eta Hernanik berak. Ehundik gora igerilari elkartuko dira hortaz, Kiroldegiko igerilekuan.
Infantilek 50 metroko
probak; junior eta
seniorrek 100 metrokoak
Txapelketa hiru mailatan jokatuko da: infantilak, juniorrak eta seniorrak. Infantiletako probak izango dira: 50 metro tximeleta, 50 metro bizkar, 50 metro bular, 50 metro libre eta 100 metro estiloak. Junior eta senior kategorietakoak berriz: 100 metro tximeleta, 100 metro bizkar, 100 metro bular, 100 metro libre eta 100 metro lau estiloak.