«Nazioa gara, erabakitze eskubidea dugu, herritarron garaia da»

Gure Esku Dago dina­mi­karen aurkezpena izango da gaur Hernanin. Goizeko 11:00etan izango da Biterin. Gure Esku Dago, dinamika herritarra da, erabakitzeko eskubidearen alde Euskal Herrian lan egiten ari den dinamika. Halaxe dio: «Na­zioa gara, erabakitze esku­bidea dugu, herritarron garaia da».
Eta hasierako helburu du, herri aktibazioa eta babesa lortzea  euskaldunen erabakitzearen eskubidearen alde. Anitza eta parte hartzailea izango dela ere azaldu dute, «tokian tokiko ekimenei irekia».

Zergatik?
Dinamika hau sortzearen arrazoia ere azaldu dute: «Erabakitzeko eskubidea, Eus­kal Herrian bizi den gatazka politikoaren iturbu­rua da. Aldarrikapen prepo­litikoa da, oinarri demokra­tiko bat sor­tzearen alde. Agen­da poli­tikoan eta sozialean eten gabe egon da: 1978ko Aberri Egu­nean, Gas­teizko Legebil­tza­­rre­an 1990e­an, Lizarra-Ga­raziren doku­mentuaren erre­feren­tzi­an, Loio­lako elkarriz­ke­tetan, Aie­te­ko Deklarazioa­ren lauga­rren puntuan... Era­bakitzeko eskubidea nazioar­teko lege­dian jasotako esku­bide de­mokratiko unibertsala da».

Jendartean dagoen beharrari aukera eman
Jendartean dagoen beharrari aukera eman nahi dio dinamikak eta herritarrak abian jarri, erabakitzeko eskubidea gauzatzeko. Gehien­go sozial, sindikal, politiko eta instituzionalak landuko dituzte.