«Nazioa gara, erabakitze eskubidea dugu, herritarron garaia da», halaxe dio Gure Esku Dago dinamikak. Dinamika hau, bihar aurkeztuko dute Biterin, 11:00etan. Gure Esku Dago, dinamika herritarra da, erabakitzeko eskubidearen alde, Euskal Herrian lan egiten ari den dinamika. Hasierako helburua du, herri aktibazioa eta babesa lortzea, euskaldunen erabakitzeko eskubidearen alde. «Anitza eta parte hartzailea da, tokian tokiko ekimenei irekia», diote.
«Erabakitzeko eskubidea, eskubide demokratiko eta unibertsala da»
Dinamika martxan jartzearen inguruko arrazoiak ere eman dituzte: «Erabakitzeko eskubidea, Euskal Herrian bizi den gatazka politikoaren iturburua da. Aldarrikapen prepolitikoa da, oinarri demokratiko bat sortzearen alde. Erabakitzeko eskubidearen defentsa, jardute demokratikoa da. Erabakitzeko eskubidea, nazioarteko legedian jasotako eskubide demokratiko eta unibertsala da».