Zakuak hustuta, Oindira bueltatu da Olentzero

Olentzerok banatu ditu banatu beharreko opari guztiak eta Oindira bueltatu da, datorren urtera arte. Astearte arratsaldean iritsi zen Herna­niko Plazara, Kottonio astoa opariz karga-karga eginda. Kale buelta egin ostean, udaletxeko arkupetan hartu zituen bertaratutako umeak. Eta aurreneko oparitxoak jaso­tzeko aukera izan zuten. Olentzerok, berriz, muxuak. Olentzerori behar bezalako ongi-etorria egiteko, kaleak eta herriko txokoak giro­tzen ere ibili ziren, gabon kanten doinura. Abesbatzek eta Musika Bandak izan zuten zeregin hori, besteak beste. Etxez etxe edo baserriz baserri ere ibili ziren beste asko: Bertso Eskola­koak, Osiñaga­koak, Ereñotzukoak...