Asteburu honetan nabaritu da Santo Tomas egunaren itzala, Hernani osoan. Batzuk lehenago hasi ziren ospatzen: Urumea ikastolako ikasleak adibidez, eta herri kirolak ere egin zituzten. Inmakuladan ere halaxe izan zen. Egunean bertan ospatu zuten gehienek, eta larunbatean erraza zen txistorra mokadu bat jatea, batean ez bazen, bestean: Gibelalde auzo elkartean, Goiz Eguzkin, Orkolagan, Sagastialden, Goiz Argin... Stop Kaleratzeak taldeko kideek ere postua jarri zuten... Eta atzo, igandearekin, oraindik bazen txistorra gosez zegoenik eta Portuko Ibarrolaburu plazan jarri zuten inguratu zirenentzako nahikoa txistorra, sagardo, edo ardo eguraldi ederrak lagunduta.
Santo Tomas Hernaniko bazter guztietara iritsi zen
Batzuk eguna baino lehen hasi ziren, besteak egunean bertan, eta azken batzuk hurrengo egunean ere bai, baina talde askok ospatu dute Santo Tomas asteburuan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!