Ametsa zela ematen zuen, eta halaxe jokatzen ari ziren hernaniarrak, harrigarri, liderra estu-estu hartuta... baina amesgaizto bihurtu zen; azken minutuan. 22-19 irabazten, eta 22-24 galdu, VRAC taldeko izarrak entsaioa eginda.
Lehenengo zatian VRAC eta bigarrenean Hernani
VRAC laster jarri zen aurretik markagailuan, eta lehenengo zatia 8-19 aurretik bukatu zuen. Hernani borrokan ari zen baina hor etsitzen hasi ziren zaletuak. Bigarren zatian borrokara atera ziren, ordea, hernaniarrak, eta entsaioa entsaioaren atzetik, azken momentuan 22-19 jarri ziren, lana eginda, eta aukerak aprobetxatuta.
Beste behin, partidurik onena Igor Genuak egin zuen. Bi entsaio egin zituen, gauzaketak, eta zigor golpeak ere bai. Azpimarratzekoa baita ere, Otaegik partidua bukatzear zela egindako entsaioa, hernaniarrei amesteko aukera eman ziena. Azkenean galdu, eta hurrengo partidua urtarrilean, Santboiana zuzeneko aurkariaren kontra.
Zozketan irabazle: 1.208
Errugbi elkarteak txerrikumea zozketatu zuen atzo arratsaldean, eta zenbaki hau irabazle: 1.208.