Hernaniko sozialistek bat egitea erabaki dute Gipuzkoako Gazte Sozialistek martxan jarri duten kanpainarekin: Oparitu irribarre bat. Umeentzako opariak biltzen ari dira. Gurutze Gorriak jasoko ditu herritarrek emandako opari horiek eta ondoren, behar gehien duten umeen artean banatuko dituzte.
Bilketa astelehenean hasi zen eta urtarrilaren 2ra arte luzatuko da. Ekimen hau lagundu nahi duten herritar guztiek Hernaniko Casa del Pueblora eraman ditzakete opariak. Edozein motatako opariak izan daitezke, baina batez ere, jostailuak izatea komeni dela azaldu dute.
Urtea agurtu eta berriari ongi etorria egiteko festa, bihar
Urteroko festa antolatu dute bihar Hernaniko sozialistek. Eguerdiko 12:00etan hasiko da eta luntx batekin bukatuko da. 2013 urtea agurtuko dute festa giroan eta 2014ari ongi etorria egin. Sozialisten egoitzan izango da (Elkano 11, behea) eta hernaniar guztiei luzatzen diete gonbitea.
Bide batez, Gabon zoriontsuak eta 2014 urte zoriontsua opa dizkiete herritar guztiei: «Zorionak eta urte berri on».