Pablo eta Iñigo Olañeta: «Añarbeko urarekin egina izateak nortasuna eta izaera ematen dio garagardoari»

Olañeta, 100% Gipuz­koan egindako ga­ra­gardoa proba­tzeko aukera jarri dute gaur Gunea garagardotegian. Bere­zitasun guztien ar­tean, bi ditu azpimarratzekoak: modu ar­te­sanoan egindakoa dela erabat, eta osagaien artean, hain go­rai­patua den Añarbeko ura duela. Gara­gar­doa Aste San­tu­­tik dago merkatuan, eta gaur­ko nobedadea da, barril edo kupeletik aterata proba­tzeko aukera izango dela. 19:00­etatik 22:00­­­etara jarri die­te hitzordua ga­ra­­gar­do­za­leei. Egi­leetako bi, Pa­blo eta Iñigo Ola­ñeta errenteriarrak, bertan izan­go dira, zalantza, kuriositate eta bestelakoak azaltzeko gogoz.

Zerbeza rubia eta tostatua
­Bi garagardo daude merkatuan: rubia eta tostatua. Be­re­zitasun gisa dute filtratu eta pasteurizatu gabeko ga­ra­gar­do naturalak direla, eta botilan bigarren aldiz fermentatzen direla. Alkohol graduazioari dagokionez, ru­biak 5º ditu eta tostatuak 6º.
Gunea garagardotegian eta Kitton badira hilabete ba­tzuk aukeran dituztela. Javi jabearen esanetan, garagardo oso ona da, eta probatzen duen jendeak errepikatu egiten du: «zerbeza hau ikaragarri ona dago entzun izan dut askotan; marka on edo ezagun askorekin alderatzen du­te bezeroek. Garagarrez egindako zerbeza da, eta jendeak estimatu egiten du hori. Gustoko garagardoen artean dute askok orain, kalitate oso onekoa baita».

«Añarbeko ura, berezia»
Zein da ur batekin edo bestearekin egitearen aldea? as­kok egiten diete galdera hori Olañeta anaiei, garagardoa Añarbeko urarekin egi­na de­la esaten dutenean. Eran­tzu­na, argia da: «Añar­beko urak nortasuna eta izaera ematen dio Olañeta garagardoari. Ez da gauza bera hemengo ura erabili edo beste nonbaitekoa. Mine­ralizazioak asko esan nahi du, eta garagardoaren kalitatean asko nabaritzen da. Añarbeko ura onenen artean dago, eta horregatik azpimarratzen dugu hain­bestetan».

0 Km politika: bertan ekoiztu, bertan kontsumitu
Patxarana, sagardoa eta beste hainbat edarirekin gertatu den bezala, geroz eta gehiago dira garagardoa etxean egiten dutenak. Anaiek diote, lehengora itzultzeko ohitura areago­tzen ari dela, eta etorkizuna 0 Km politika bultzatzea dela: «bertan ekoizten hasi behar dugu: edariak, baratzak... eta bertan kontsumitzen. Gure gertuko batek zioen, bertan erosten baduzu, diru hori bueltan etortzen dela, eta ez zuen arrazoirik falta».

Garagardoaren kultura, bultzatu
1921etik dago Licorera Vasca enpresa martxan. Egun, Pa­blo, Jose Luis eta Iñigo anaiek daramate, baina sor­tzaileak Jose Luis aitona eta Ezequiel aita izan ziren. 2010ean berritu nahian, merkatuan zeuden edari eta bestelakoak aztertzen hasi ziren, eta hala hasi zuten garagardo artesanoa egitearen prozesua. Etxean hasi eta komertzializatzera iritsi dira. Orain garagardoaren kultura bultzatzea dute helburu: elkartu, probatu... beste edariekin egin ohi den moduan.