Gabonetako lau saski zozketatuko dira bihar eguerdian, 12:00etan, Biteri kultur etxean. Opariz betetako saskiak dira eta ez edonolakoak, Berriak-eko dendariek emandako sariak baitira. Badago asteburu pasa bat Kantabrian, janari loteak, arropa, aurpegi garbiketa sesioak... baita tablet bat ere!
Urtero antolatzen dute Berriak-ek eta Hernaniko Kronikak gabonetako zozketa, eta gero eta arrakasta haundiagoa du jendearen artean. Aurten ere errifa asko saldu dira, eta ez da gutxiagorako, sariak ikusita.
Lau saski, opariz beteak
Lehendabiziko hiru saskietan 10-15 sari inguru izango dira. Errioguardan afaria, Urumea burdindegiko labana sorta, Portalondoko maletin bat, Adarragako turroia... era guztietako sariak izango dira. Oindik jarritako ardoa, Amegarrek kafetera, Aitor Peñak 5 litro olio... Aralarrek Arnegui Magnum kaja... Telemarrek jarritako tablet bat... Laugarren saskia berriz, nola ez ez, urtero bezala, Hernani Bidaiak-ek jarritako asteburu pasa izango da, eta horri laguntzeko Kaixok jarritako bidaia-poltsa bat. Aurtengo bidaia, Kantabrian asteburu pasa agroturismo batean.
«Ez errifarik bota sari guztiak banatzen diren arte»
Larunbatean argitaratuko du Hernaniko Kronikak zein diren saskietako irabazleak. Hortik aurrera zazpi egun emango dira errifak aurkezteko. Saskiren bat banatu gabe geratzen bada, abenduaren 27an beste zozketa bat egingo dute Berriak-ek eta Kronikak. Berriz ere saskia banatu gabe geratuko balitz, urtarrilaren 3tik aurrera Kronikan entregatzen diren errifa guztien artean zozketa egin eta batek irabaziko du.
Horregatik, arduradunek jakinarazi nahi dute ez botatzeko errifak sari guztiak banatzen diren arte.
Lau saski zozketatuko dira bihar eguerdian
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!