«Erraustegia Zubietan ez egitea guretzat eta gure seme-alabentzat egundoko albistea da». Hori adierazi zuten Zubietan Hernani, Andoain, Astigarraga, Donostia, Hernani eta Lasarte-Oriako Alkateek.
Partzuergoak hartutako
erabakia
Erraustegia ez da egingo Zubietan, Hondakinen Partzuergoak hala erabaki baitzuen orain dela hilabete batzuk. Erabaki horren aurrean, Zubieta inguruko sei herrik adierazpen instituzionala kaleratu dute, eta herritarrak zoriondu egin dituzte. «Urte luzez sufritu behar izan dugu planta toxiko horren mehatxua, baina dagoeneko esan daiteke mehatxu hori iragana dela». Osasun arazoei erreparatu die batez ere, erraustegia kritikatzeko garaian: «jakina da horrelako planta batek toxikoak isurtzen dituela airera eta minbiziagatiko heriotza 9 aldiz handiagotzen dela inguruko herrietan».
Baina beste arrazoi batzuk ere aipatu dituzte. Horietako bat, ekonomikoa: «krisi garaian 400 miloiko proiektua ezin zuen jasan Gipuzkoak».
Beste arrazoi bat, ingurumenekoa: «Europak dio 2020rako birziklatu daitekeena ezin dela erre... Erretzean oinarritutako kultura batetik, birziklatzean oinarritutako kulturara pasatzeko, ezinbestekoa zen errauskailua alde batera uztea».
Zero Zabor, hurrengo pausoa
Erraustegia ez egitea ez da azken pausoa izan, Alkateen hitzetan, eta Zero Zabor politika zabaltzea aipatu dute, etorkizunean egin beharreko bide bezala.