Beheko postuetan lehian dauden bi talde aurrez aurre gaur: Hernani eta Vigo

hernani eta Vigoren ar­teko neurketak itxiko du gaur Landaren, aurreneko itzulia; zita, eguerdiko 12:00etan. Par­tidu berdindua espero da, bi taldeak azkeneko pos­tuetatik lehenbailehen ihes egitea baitute helburu.

Garaipena beharrezkoa,Hernanik
Motibazio bereziarekin egin­go dio aurre Hernanik gaur Vigori, arerio zuzena izango baitu aurrean. Azken par­tiduak ez dira espero bezala joan, eta egoerari buelta ema­teko gogoz dira. Bigaren itzu­liaren hasiera konplikatua izango da Hernanirentzat, Que­sos eta Ordizia hartuko bai­titu etxean, Landareko bi partiduetan. Gaur irabaziz gero, puntu abantaila erosoa har dezakete trikoloreek. Gai­nera, Igor Genua bueltan izan­go da, Estatuko se­lekzioarekin bost aste etxetik kanpo egin eta gero.

Talde galiziarra ondo, azken partiduetan
Denboraldia nahi bezain on­do hasi ez arren, egoerari buel­ta ematen ari dela dirudi talde galiziarra. Nagusi izan zen Vigo aurreko partiduan, Sevillaren kontra; eta Valla­dolideko Salvador ere, es­tutasunean jarri zuten. Ez da kasualitatea izan. Vigoren hobekuntza honetan zerikusi zuzena izan dute atzerriko jokalarien artean egindako aldaketek. Zee­landa berritik ekarritako jokalariak maila ona ari dira ematen: Nathan George joko zabaltzaile la­netan aritzen da; eta Tongako Maka Tatafuk eskarmentu haundia du, 35 urteko jo­kalaria da. Sam Hayes berriz, bikain ari da hirugarren lerroan, lesio­na­tu egin zen ordea Salvadorren kontra­koan, eta zalantza da gaurko partidurako.
Etxeko jokalariak ere, kontuan hartzekoak dira: Maguna uztartze erdia, Uru­buro atzelaria eta batez ere, Alejandro Blanco, hirugarren lerrokoa, Estatuko selek­zioaren deialdietan ohiko bi­hurtu dena. Lehen aipatutako azken fase honetan, pisu haundia izan du jokalari bat errekuperatzeak: Pakito Use­ro. Jokalari euskaldun bat ere bada galiziarren lerroetan: hegalean jokatzen duen Je­remy Simon lapurtarra.