Ibaeta abesbatza gonbidatua gaur, Milagrosan

Gabonen bueltan bi eki­taldi antolatu ditu Kantuz abesbatzak. Gaur iluntzera­ko, Ibaeta abesbatza gon­bi­datu dute eta astelehenean Ga­bon kan­ten jaialdia antolatu dute.

14 kantuko errepertorioa
 Ibilbide motza baino oparoa du Ibaeta abesbatzak. 2008an eman zituen aurreneko pau­suak Donato Unanue buru zutela. 35 abeslarik osatzen zuten aurreneko ko­ru hura eta egun ia bikoiztu egin dira, 60 kantarirekin. Ha­sierako helburua zen Egu­berrietan, Santa Ageda egu­nean eta halako festetan Ibaeta auzoa euskal kantuz animatzea. Prestaketa lanak sakondu eta kontzertuak em­atera dedikatu dira azken urteetan. Gaur Milagrosan izango dira, Kantuz Abes­ba­tzak gonbidatuta. Kontzertua iluntzeko 19:30­etan hasiko da, eta 14 abesti eskainiko dituzte, Gabonetakoak eta euskal kantuak guztiak: 

1. Irten ezazu

2. Birjina maite

3. Hator hator

4. Birjina gaztetxo bat

5. Horra mari domingi

6. Agur Maria

7. Aita gurea

8. Txoria Txori

9. Ilunabarra

10. Xalbadorren heriotzean

11. Herribehera

12. Ama

13. Beti Maite

14. Maite, maite maitia.

Herriko zazpi abesbatza
 Gabon kanten jaialdian, astelehenean Urteko zita garrantzi­tsue­netako bat izaten da Gabon kanten jaialdia. San Joan Ba­taiatzailea parrokian izango da aurtengo kontzertua ere, 20:00etatik aurrera. Herriko zaz­pi abesbatzek hartuko dute parte ema­naldian: Parrokiko korua, Goiz Eguz­ki, Inmakulada, Ozen­ki, Mu­sika Eskolako abes­batza, Mu­sika Eskolako Dakapo abesbatza eta Kan­tuz. Bi abesti kantatuko ditu abes­batza bakoitzak, eta ema­naldi hori bukatuta, guztiak el­kartuko dira eli­zako alda­rean, elkarrekin abestu eta emanaldiari bukaera ematera.