Errugbi elkarteak mus txapelketa antolatu du hirugarren urtez jarraian. Tximista Mus Txapelketa lau erregetara jokatuko da ostiralean, Landaren, 22:00etan hasita. Txapelketan parte hartu nahi dutenek aldez aurretik eman behar dute izena. Aukera jarri dute Zintzarrin, Ekosen, Atxurren, Tripontzin eta Kixkalen; egunean bertan ere eman liteke, 21:30ak bitartean. Gehienez, 32 bikotek hartu dezakete parte txapelketan, eta prezioa, biena, 20 eurokoa da.
Sariak, aurreneko lauentzat
Txapelketako lau bikote onenentzat sari ederrak izango dira aurten ere. Txapela, 2 cava botila, 2 bazkari eta 2 whisky botila, irabazleentzat. Bigarren bikoteak jasoko ditu: oroigarria, 2 gazta, kiloko 2 txuleta, 2 ardo botila eta 2 ron botila. Hirugarrenarentzat izango dira: Alejandro txorizo sorta, mendiko 2 bastoi, 2 cava botila, eta 2 garagardo kaxa. Azkenik, laugarren sailkatuek jasoko dute: 2 gazta, 2 ardo botila eta 2 Cava botila.