Aurten ere martxan jarri du Hernaniko Udalak Saharako kanpamenduetara janaria bidaltzeko kanpaina. Gaur bertan hasiko dira produktuak biltzen ikastetxe eta supermerkatuetan eta Biterin. Eta kanpainan da-biltzan arduradunek Kronikari jakinarazi diote, nahiko egoera larrian daudela aurten, «oso jende gutxi baitago kanpaina aurrera ateratzeko».
Gainera, janari guztia bildu eta sailkatzeko, 12 eguneko epea izango dute. Dei egiten diete herritarrei, janaria emateaz gain, zentzu horretan ere laguntzeko kanpainarekin.
Ikastetxeetan, 20ra arte
Ikastetxeetako kanpaina, abenduaren 20ra arte izango da. Biterin eta supermerkatuetan, urtarrilaren 10era arte.
Bestalde, hitzaldi bat antolatu dute hilaren 17an.