Palindromoa: atzekoz aurrera berdin irakurtzen den hitz edo esaldia

«Atzekoz aurrera ere ber­din irakurri daitekeen testua da palindromoa. Testu sime­trikoa. Kapikua. AztihitzA», halaxe dio Markos Gimenok. Bihar, Hernanin izango da eta bi orduko tailerrak emango ditu Biterin. Hiru ordutegi desberdinetan izango da auke­ra: 09:30, 14:30 eta 19:00etan.

Hizkuntzarekin jolasteko aukera
Gimenok, euskal palindromo­ak landuko ditu. Tailerrean, tes­tu simetrikoen historia eta isto­rioak ezagutzeko aukera izan­go da eta adibideak eta ari­keta praktikoak ikusi eta egin­go dituzte. Hizkuntza­rekin jo­las­teko aukera ederra izango da. Halaxe dio Gimenoren esal­di palindromo batek: Eto­rri, ez? Jolastu nahi baduzu ez galdu aukera, ekarri arkatzak. Bestela, arkatzak ekarri aukera galdu. Ez baduzu nahi jolastu ez etorri. Informazio gehiago: ww.blogak.com/zerorajasoa.

Energia berriztagarriak hizketagai, etzi
 GoiEner kooperatiba energia berriztagarrien (renovable) sor­kuntzaz eta erosketaz ardu­ratzen da eta asteartean hitzal­dia emango du, 19:00e­tan Bite­rin. GoiEner, ia 900 bazkide ditu­en kooperatiba da eta ira­bazi asmorik ga­be­koa. «Ener­gia, batez ere elek­trikoa, egun­go gizar­teetako oinarriz­ko ondasuna bihurtu da, ura edo elikagaiak bezain beha­rrez­koa. Hori horrela, GoiEne­rren hel­burua da, he­rritarrek oina­rriz­ko onda­sun honen kontrola berresku­ra­tzea, ho­nen garran­tziaz jabe­tzea, ener­giaren kon­tsumo ardura­tsu eta iraun­korra bultzatuz» diote. GoiE­ne­­­rrek subiranota­sun energe­tikoa be­rres­kuratu nahi du, egun­go sekto­re elek­trikoan libe­raliza­tuta dauden espa­rrue­tan sar­tuz: merkatu­ratzea (energia erosketa) eta sorkun­tza. Astear­teko saioan, batez ere, sokun­tzari buruz ariko dira.

Izen ematea, AEKn
 Bi saioak AEKk antolatu ditu Zilegi Eskolen barruan eta izena eman behar da: zilegies­kola@aek.org edo 607 592 864.