maketa iaz atera ondoren, aurten diskoa tokatzen zen. BeHatxeRojak zazpi urte daramazki plazaz plaza, eta disko berria atera du: Improvisandola. Hamar kanta dira, maketako lau, eta geroztik egindako sei.
Rock gogorra, rock&rolla, pop estilora jotzen duen rocka... ez da joera bakarreko taldea, rockaren barruan abaniko dezentekoa biltzen du. 2006an plazan hasi, eta poliki-poliki bere lekua egin du taldeak, Gipuzkoan batez ere. 20-25 urte arteko bost hernaniar ari dira orain: Mikel Garcia, Unai Dasilva, Mikel Olabide, Bittor Herrero eta Beñat Alvarez. Ioritz Aldabe, berriz, teknikaria. Diskoan parte hartu du Aitor Sesmak ere, eta kolaborazioetan aritzen dira Enaitz Senperena, Xabier Astinza, Beñat Castrillo...
Ereñotzuko Pello Gorrotxategiren estudioan grabatu dute diskoa, eta beren kabuz zabalduko dute.
Ostiralean aurkeztuko dute diskoa, 20:00etan, Zintzarrin. Egunean bertan diskoa salgai izango da 5 euroan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!