Duintasuna, Gipuzkoako pentsionista eta jubilatuen elkarteak sinadura bilketa egin du, kopagoaren aurka. Hernanin ere egin zen bilketa. Denera, 40.000 sinaduratik gora bildu dira eta herritarrak zoriondu nahi dituzte Duintasunako Hernaniko kideek. «Aurreikuspen guztiak gainditu ditugu eta 40.000 sinaduratik gora bildu ditugu. Hernanin, 1.226 bildu ditugu eta eskerrak eman nahi dizkiegu hernaniarrei».
Sinadura horiek guztiak Gasteizko Parlamentuan aurkeztu zituzten azaroaren 21ean.
Negoziaketan
Oraindik ezer erabaki ez badute ere, Legebiltzarrean pausoren bat emango dela uste dute Duintasunako kideek, «baina ikusteko dago. Negoziaketan dabiltza orain», diote. 18 milioi euroko laguntzaren berri eman dute, Eusko Jaurlaritza onartzekotan dena kopagoren eragina murrizteko. Laguntza hori izango litzateke 18.000 eurotik beherako errentak jasotzen dituztenentzat, besteak beste.