Bi&Behin aldizkaria aurkeztuko dute gaur. Bi hilabetean behin, Hernaniko gazteei zuzendua egongo den aldizkaria izango da. «Gazteontzako txoko bat, gazteok landua eta gure ikuspuntutik gai desberdinak jorratuko dituena. Hernaniko gazteok badugulako zer esan eta zer konta. Hamaika zapalkuntza jasaten ditugulako eta egunerokoan hamaika kezka dauzkagulako», azaldu dute.
Honako atalak landuko dituzte: lana eta etxebizitza, feminismoa, preso eta iheslariak, historia eta mundua. Horrez gain, herriko edozeinek idatzi ahal izango du; horretarako txoko bat egongo da (bitanbehin@gmail.com).
Aurkezpena 20:30etan izango da Garinen. Azaltzeko gonbitea luzatu dute. yy