Comercial Hostelera del Norte enpresarentzat bigarren urtea da `Baietz Gurean!` ekimenean parte hartzen. Honi esker urteetan, enpresaren sorreratik, egon diren hizkuntza ohiturak pixkanaka aldatzen doaz. Asko laguntzen du langileen artean euskara izatea hizkuntza nagusia. Horrek bidea erraztu duelakoan dago Aritz Ajuria bertako langilea.
Zergatik erabaki zenuten Baietz Gurean egitasmoarekin bat egitea?
Gure enpresan langile gehienak euskaldunak dira eta gure egunerokoan, euskara oso barneratuta dago.
Hala ere, iraganeko ohiturak eta egiteko moduak oso barneratuak daude enpresan eta denak gazteleraz, beraz, poliki bada ere, euskara enpresan barneratzea garrantzizkoa iruditu zitzaigun.
Zein zen euskararen egoera zuen enpresan?
30 urte baino gehiago ditu Comercial Hostelera del Nortek eta normala den bezala 80ko hamarkadan euskarak zuen presentzia askoz gutxiago zen egungo egoerarekin alderatuta.
Aipatutako iaraganeko ohitura horiek enpresan oraindik diraute eta zaila da, betidanik modu batera ezagutu dituzun gauzak, izenak edo dokumentuak aldatzea, baina lan horretan gabiltza orain.
Enpresan orain euskararen egoera hobea dela esango zenuke?
Poliki-poliki bagabiltza gauzak aldatzen. Garrantzitsuena, lankide gehienek euskara asko bizi dugula da eta gure artean euskaraz aritzeko ohitura dugula.
Oinarri hau iada edukita, prozedura aldaketak, formalismozko gauzak aldatzea edo dokumentuak itzultzea gutxika-gutxika egingo ditugun aldaketak izango dira.
Bigarren urtea da egitasmoarekin bat egiten duzuela. Zeintzuk izan dira emandako aurrerapausoak?
Une zailak dira enpresa munduan, ekonomia gaizki dago eta enpresa gehienetan gauzak zail daude.
Testuinguru honetan, edozein proiektu aurrera ateratzea zaila bihurtzen da izan ere, egunerokoak eta krisia gaindi-tzeko la-nek gainditzen gaituzte ia. Hala ere, euskararen inguruan enpresaren konpromezua argia da eta ohiturak aldatzea eta euskararen presentzia handiago izatea gure helburu argiak dira urte honetan ere.
Nola baloratzen duzue udalek halako ekimenak bultzatzea?
Aipaturiko krisi egoera hau udaletan ere nabaria da, beraz horrelako proiektuak aurrera ateratzea txalogarria iruditzen zaigu.
Euskararen inguruan, euskaldun gehienak izugarrizko estima diogu hizkuntzari, baina jendea, kasu honetan eskualdeko udaletako teknikari horiek euskararen etorkizunean horrelako indarrarekin lan egiten ari direla ikustea guretzat oso handia da eta horrela jarrai dezaten desio dugu noski.
Animatuko zenituzke beste enpresak bat egitera?
Noski, animatuko nituzke bai enpresak. Euskararen etorkizuna, gure esku dago, euskaldunon esku, eta gu saiatu behar gara euskara gure lan esparruan, enpresa munduan ere geroz eta normalizatuagoa egoteko.