«Euskara orain gure lan esparruan presente dago»

Orian dago kokatuta Aldi­kar Aituak Mitsubishi kon­tzesionario eta tailerra. La­sarte-Oriako enpresak lehen aldiz egin du bat Baietz gurean! egitasmoa­rekin. Txetxu Alberdi ber­ta­ko langilea oso pozik azal­tzen da egitasmoare­kin, honi esker lan eremu­an euskara behintzat presente dagoelako.

Nola sortzen da enpresan Euskara sustatzeko egi­tas­­moarekin bat egitea?
Esan behar dut lehenengo ni hasi nintzela harre­manetan jartzen hainbat erakunderekin. Nahiz eta euskalduna izan eta eus­ka­raz ikasketak buru­tu, mu­ga­tuta sentitzen nintzen askotan nire egune­roko lanean euska­raz­ko hitz teknikoekin etab. Horrela pixkanaka joan nin-tzen ikusten hainbat aukera eta laguntza zeude­la enpresen barruan euska­ra sustatzeko. Iruditu zi­tzai­dan egitasmo horie­ta­ko bati hel­du behar geniola gure fak­tu­rak eta batez ere be­ze­roei ematen zaien do­kumenta­zioa euskaraz edu­kitzeko.

Zuk proposatu zenuen Baietz Gurean! egitas­moa­rekin bat egitea?
Bai hala da. Pertsonalki eus­kararekiko dudan atxi­ki­menduak bultzatu nin­du­en enpresako zuzenda­ri­tza­ri gaia mahai gainean jartzea. Kontutan izan behar da Mitsubishi kontzesionario bat garela eta multina­zionalak bidaltzen digu lan egiteko beharrezkoa dugun dokumentazio eta infor­mazio guztia. Ez dago gure esku kotxeen katalo­goak etab.en aldaketa. Baina ha­la ere, enpresaren barru­an eta bezeroari ema­ten zaiz­kien doku­men­tue­tan behin­­­­tzat, batez ere faktu­rak edota kotxea erostera etortzen direnenan harre­ra, euskaraz egitea landu beharreko gaia zela ikusi zen zuzendaritzan eta on­do hartu zuten propo­sa­mena beraz aurrera egin genuen.

Zein da enpresan euskararen egoera?
Momentu honetan langile gehienak erdaldunak dira. Hala ere, badira euskaldu­nak baita euskara ulertzen dutenak ere. Egitasmoaren baitan, kar­­te­lak bi hizkuntzetan ja­rri dira eta langileen arte­ko zenbait komuni­ka­zio bi hiz­­kuntzetan egiten hasi gara.

Egitasmoan parte hartzen hasi zinetenetik aldake­ta­rik somatu al duzu?
Enpresa munduan ez soi­lik gurean, nik uste dut guxti bada ere, aldaketa handia dela behintzat euskararen presentzia nabaritzea. Orain karteletan ikus­ten dugu behintzat, ohar ba­tzue­tan, hainbat lan beti erdaraz egin direnak orain tarteka euskaraz egiten ditugu, bezero euskaldun bat datorrenean saiatzen gara euskaraz arreta ema­ten...Ez da asko, oraindik barne fuzntionamenduan hizkuntza nagusia gaztele­ra delako baina esan bezala pixkanaka bada ere, aurrera pausuak dira. Gure lan esparrutan euskara behintzat presente dago. Balorazioa zein da? Balorazioa ona dela esango nuke. Esan bezala kantitateari begira ez diru­di asko egin dugunik baina euskararen erabilera gure­an normalizatzeko urrats garrantzitsuak eman ditu­gula iruditzen zait. Gure bezeroen hizkuntza esku­bideak bermatu behar ditu­gu eta ikusi besterik ez da egin behar kotxea eros­tea etorri eta lehenengo hitz euskaraz eginda zen­bat irabazten dugun bi aldeek. Bezeroak gertutasuna nabaritzen du eta sal­mentan hori asko balo­ratzen da.