Goizuetako Azaro Kulturala gaur bukatuko da eta urtero bezala, Feri Eguna antolatu dute. Hamargarren edizio honetan, goizean goizetik izango da zer ikusia. Goizeko 10:00etan emango zaio hasiera feriari. Aziendak, artisau eta nekazaritza postuek beteko dute herria eta tartean hainbat ikuskizun izango dira, hala nola, burniarekin erretako gaztanbera, joare egileak, sagardo egileak... Umeen txarangak goiz guztian zehar girotuko du herria eta umeek poni gainean ibiltzeko aukera izango dute Txino auzoan.
6 mutil eta 6 nesk, proban
Aurtengo feriak ere izango du berezitasun bat. Ikusmira haundia sortu duen giza proba desafioa jokatuko da hain zuzen, plazan. Goizuetako 6 mutilek 650 kg-ko harria mugituko dute eta Emarri taldeko 6 neskek 550 kg-ko harria.
Ondoren, bazkaria izango da goiko frontoian. Urtero giro ederra sortzen da eta aurten ere seguru izango dela. Horretaz arduratuko dira Xabi Solano eta Jon Mari Beasain Esne Beltzako musikariak. Gauerako indarrak hartu nahi dituztenentzat, berriz, pintxoak egongo dira plazan. Eta 22:00etatik aurrera, Gugaz erromeria taldea izango da Gaztetxean.
Egitaraua
10:00etatik aurrera, azienda, artisau eta nekazaritza postuak, herrian zehar. Eta beste hainbat ikuskizun ere bai.
12:00etan, giza proba, plazan.
Ondoren, bazkaria goiko frontoian. Xabier Solano eta Jon Mari Beasain.
22:00etan, Gugaz taldea Gaztetxean.