Zuzeneko emanaldiak indartzeko asmoz dira Oialumen eta euskal talde haundi batekin hasiko dute ibilbide berria: Berri Txarrak. Lekunberriko taldeak asteburu honetan bukatuko du Haria diskoaren jira, eta kontzertu horietako bat, gaurkoa, Hernanin emango du. Oialumeko kontzertu nagusia izango da, baina ez bakarra: 22:00etan hasiko da ikuskizuna Eratu taldearekin; talde berria da eta hirukote formatuan aritzen da. Segidan izango da Berri Txarraken emanaldia, ordu eta erdi ingurukoa. Eta bukatzeko, modan dagoen DZ Dj; besteak beste, Esne Beltzarekin aritzen dena.
10 urte ete gero, Oialumen
Berri Txarraken zaleek gogoan izango dute 2003ko urtarrilaren 4an Oialumen eman zuten kontzertua. Kauta talde hasiberria izan zuten orduan lagun, eta gaur espero den bezala, leporaino bete zen aretoa. Gaurko sarrera guztiak agortu egin dira, berehala.
Diskofestekin, jarraitu
Zuzeneko emanaldiekin apustu berezia egitekoak badira ere, orain arteko diskofestak ere, mantenduko dituzte. Hurrengo zita abenduaren 6an dute; eta Gabonei begira ere, beste bi saio antolatu dituzte: abenduaren 25ean eta errege bezperan.