Astebeteko egitaraua antolatu dute herriko hainbat elkarte eta herritarrek, Euskararen EgunaK ekimenaren barruan. Gaur 12:30etan deitu dute irekiera ekitaldia, eta ondoren, taldeko argazkia ateratuko dute, babesa ematera gerturatu diren guztiek. Euskaraz bizi nahi dut! lasterketan korrika aterako dira dozenaka herritar gaur arratsean. 16:00etan hasiko da lasterketa eta lau kategoria izango dira: 3-6 urte bitartekoak, 200 metro; 7-11 bitartekoak, 500 metro; 12-14 bitartekoak, kilometro bat; eta 15 urtetik gorakoak 4 kilometro. Lasterketan parte hartu eta oraindik izena eman ez dutenek gaur izango dute aukera, lasterketa bera hasi aurretik.
Azaroak 30, gaur:
12:30etan, irekiera ekitaldia Biteriko plazan.
16:00etan, ‘Euskaraz bizi nahi dut!’ lasterketa, Euskararen Kontseiluarekin elkarlanean.
Abenduak 1, bihar:
11:00etan, Tour linguistikoa.
Abenduak 2, 3,4 eta 5:
Erakusketa, ikastetxeetako ikasleek euskararen inguruan egindako lanekin eta film laburren emanaldia, Biterin. Ikastetxeetako ospakizunak, batez ere, abenduaren 3an, Euskararen Egunean.
Abenduak 5, osteguna:
Mintzodromoa (goizeko 10:00etan, 1go saioa eta 18:00etan, bigarren saioa), Biteriko plazan. Eguraldi txarrarekin, Atsegindegin.
Abenduak 6, ostirala:
13:00etan, kale antzerkia.
Bukatzeko, euskararen aldeko topa.