Mobilizazioak gaur, lan eta negozioazio kolektiboaren defentsan

Mobilizazio eguna da gaur Hernanin, LAB Sindi­ka­tuak deituta, eta Hernaniko Sortuk ere bat egin du deialdiarekin. Lan eta negoziazio kolektiboaren alde, eguerdiko 12:00etan mobilizazioak egingo dira enpresa atarietan; 13:30etan kon­tzen­trazioa dei­tu dute Hernanin, Ziku­ñaga auzora sartu aurretik dagoen errotondan; eta arra­tsaldeko 19:00etan es­kual­deko kon­tzentrazioa Guda­rien plazan.
Horrez gain, larunbatean Donostian egingo den manifestaziora dei egin dute, 17:30­etan, Bulebarrean.

Gureolako 48 langileak maiatzetik paroan
Egun honen bueltan, Gureo­la enpresako langileen egoera zein den gertuago azaldu nahi izan du Kronikak. Maia­tzean itxi zen enpresa, eta geroztik 48 langileak kalean daude. Gorka Olazabalek Kronikari jakinarazi dionez, lankide ba­tzuk oso gaizki ari dira pa­sa­tzen. «Batzuk badira jubila­tze­ko garaizegi eta beste lan bat bilatzeko beranguegi du­tenak. Horiek larri daude. Larri baita ere, familia izan be­rri dutenak, eta bikoteak baldintza kaxkarretan lanean. Bat badago hirukiak dituena, hipoteka, bera paroan, eta bi­kotea lan txarrarekin. Edo ba­karrik bizi direnak, pixua or­daintzeko, eta gastu guztiei bakarrik aurre egin behar. Etorkinak ere asko egoera txarrean geratu dira... Indemni­zazio haundia zegokienek ere, 35 urte lan egin eta gehienez 18.000 euro jasoko lituzkete...».

Enpresa biablea
Langileen ustez enpresa biablea da, eta gestio txarra izan du. Horregatik badago bere esku hartzeko interesa duenik. «Badago mugimendua, enpresa beste batzuek har­tzeko, baina oraindik ez dakigu ezer segururik. Es­peran­tza horretan gaude, eta langileak lanerako prest».