150 ekintzatik gora biltzen ditu Plenoak onartutako Iraunkortasun Planak

Epe ertain eta luzera begira, bi plan onartu zituen Udalak as­tearteko Plenoan: Euskara Pla­na eta Hernaniko Iraun­kor­­ta­sunerako Ekintza Plan Be­rria. Tramitezko beste lau puntu ere bozkatu eta onartu zituen Plenoak, horien artean: Estu­be­gi sektoreko Plan Par­tzia­la­ren aldaketa behin betiko onar­tzea eta Uru­meako eraikineko la­nak egitea baimentzea. Bi mo­zio ere bozkatu eta onartu ziren asteartean: Ema­ku­meen­­ga­nako indarkeriaren kontrako egunekoa eta Uru­mea­ko garbiketaren ingurukoa.

Ahozko komunikazioan Udalak euskeraz funtzionatzea, helburu
Udaleko Euskara Planaren 5ga­rren Plangintza onartu zuen Plenoak, 2013tik 2017ra bitartekoa, lau urterako pla­na, hortaz. 4garren Planaren balorazioa positiboa izan dela azaldu zuten lehendabizi eta besteak beste, lortu dela Uda­l barruko funtzionamendu ge­hiena, ida­tzizkoa, euskeraz izatea. Onartu berri den 5garren Plangintzarekin lortu nahi dena da, besteak beste, ahozko funtzionamenduan ere, pausu berdinak ematea; hau da, Udal barruan, ahozko komunikazioa, euskeraz izatea. Positibo gisa, azpimarratu zen Udaleko pertsonalak euskera maila ona duela, euskeraz zerbitzu guztia eman eta funtzionatzeko. Helburu horiek lortzeko bidean Uda­la lantaldean ari da beste he­rri batzuekin.

Iraunkortasun Plana, 2020 urtera bitartekoa
Gaur egun nagusi den garapen planak edo ereduak iraupenik ez duela eta, in­gurua hondatuko ez duen ga­rapen modua aurkitzeko bidean, Ekintza Plan Berria onartu du Hernaniko Uda­lak. Her­na­niko Iraunkor­tasunerako Ekintza Plana du izena eta Agenda 21en ba­rruan kokatzen da. Plenoak onartutako Planak biltzen dituen asmo, pauso eta helburuak 2020ra bitartekoak dira. Plan horren ba­rruan 150tik gora ekintza egi­tea erabaki da, Udaleko batzorde bat baino ge­hiago hartzen dituena. Pro­zesuan par­te hartu dute batzordeetako teknikariek, politikoek eta herritarrek. Prozesu hori oso positiboa izan dela azaldu dute, eta parte hartutako hiru taldeek azpimarratu edo ba­loratu dituzten bost puntu nagusiak hauek dira: etxebizitza po­l­i­tika, alokairu sozialaren al­de­koa; mugikortasuna; eus­keraren normalizazioa; herritarren arreta zerbitzua hobetu eta modernizatzea; eta berdintasun planak sustatzea.

Bi mozioak, onartuta
Emakumeenganako Indar­ke­ria­ren Kontrako Nazioar­te­ko Egunaren harira mozioa onartu zuen Udalak, aurretik Bozeramaile Batzordean adostutakoa. Mozioan hainbat konpromiso hartzen ditu Udalak, tartean: berdintasun politikak garatzeko baliabideak indartzea; indarkeria ma­txistari aurre egiten dioten emakume eta taldeentzako arreta zerbitzuak eratzea; jai giroan eta eremu sozial kulturaletan emakumeen partehartzea sustatzea... Bestalde, Urumea ibaia gar­­bitzeko es­katzen duen mozioa aurkeztu zuen PSE-EEk eta Plenoak ona­rtu egin zuen. Bert­an es­ka­­tzen da, Uru­mea­ren uholde arriskua gutxitzeko konpromisoa izatea eta ardura duten erakundeei eskatzea ibaia garbitzeko eta aurreikusita dauden lanekin hasteko.