Herritarrak prest eta gogoz dira kulturen arteko elkarbizitzaren alde lan egiteko

ETORKINEN kontra izaten diren zurrumurruei aurre nola egin aztertzeko lau saio antolatu ditu AMHERek az­ken asteetan. Aurreneko hiru saioetan zurrumurruen aurka lan egin nahi zutenekin adi­bide praktikoak landu zituz­ten eta jarrera profe­siona­la­goa eta teknikoagoa izateko erremintak eman zituzten.

Aurrera begira, erronkak
Azken saioa, joan den as­te­koa, baloraziorako izan zen. He­men­dik aurrera eman be­harreko pausuak zehaztu zi­tuz­ten. Iniziatiba berriak pro­posatu zituzten, hala nola, herrian egiten diren kirol eta ekimen sozial eta kul­turaletan parte hartzea eta euren asmo eta helburuak partekatzea. Hainbat estra­tegia sortzeari buruz ere, hitz egin zuten az­ken bilera honetan. He­rri­ko kultura eta etorkinek eka­rritakoa el­kar ezagutzea bilatu nahi da, batez ere, herritar be­rrien­tzat integrazioa erra­zagoa izan dadin. Sentsi­bi­lizazioaz ere aritu ziren. Ko­menigarria ikus­ten dute kan­painak sor­tzea, zurrumurruek herrita­rren arteko bizikidetza ahul­tzen dutelako; au­rrei­ritziak sa­latzea ere bilatuko da azken honekin.

«Herritar multzo haundi bat dago interesatua»
AMHERek positibo baloratu du lau tailerrek izan duten ha­­­rrera: «formakuntza jaso du­te eta kolaboratu egin du­te. Hainbat erakundetako or­dez­kariak eta herriko per­tso­nek parte hartu izanak pen­tsarazten digu posible dela halako ekimenak aurrera era­matea. Herritar talde haun­di bat dago prest elkar­bi­zi­tza­ren alde lana egite­ko. Es­ke­rrak eman nahi diz­kiegu ber­ta­ratu diren guztiei».