Pelota partidu ederraz gozatzeko aukera izango da bihar Hernanin, 18:00etan. Emozioz betetakoa eta maila haundikoa. Paul Ojuel eta Eneko Aizpitartek Gipuzkoako Txapelketako finalerdiak jokatuko dituzte, lehenengo mailan. Bikote hernaniarrak 7 partidu jokatu dituzte (Arrietak jokatu zuen horietako bat) eta denak irabazi dituzte. Biharko partidua irabazten badute, berriro bueltatuko dira Ohorezko Mailara (aurreko urtean kategoriaz jaitsi ziren).
Hernaniarrek, esperientzia gehixeago
Aurkari, Intxurre taldeko Altuna-Santxez bikotea izango dute. Partidua, aldez aurretik, berdindua ikusten da, baina hernaniarrek esperientzia gehixeago daukate eta apustuak beraien alde aterako dira. Jokin Altuna Intxurreko aurrelariak 17 urte ditu oraindik eta etorkizun galanta (Aspe enpresarekin entrenatzen ari da). Aurreko koadroetan Ojuelekin izango duen lehia ikustekoa izango da.
Animatzeko deia
Pelota elkartetik dei egiten diete pelota zale guztiei Hernaniko bikotea animatzera joateko frontoira.
Gaur, 8 partidu
Hernanin (20:00):
- Oihan Zugasti/Oiarpe
- Xabier Salaberria/Aurrera Saiaz
- Unai Blanco/Allerru
- Arizmendi-Urruzola/Zestoa
Herreran (20:00)
- Euskal Giroa/Lujanbio-Altuna
Eibarren (19:15)
- Eibar/Etxenike-Etxegoien
Andoainen (19:00)
- Gazteleku/Ander Leiza
- Gazteleku/Ibai Ezeiza