San Marko Mankomunitateak eta Ecovidrio elkarteak, ekimen berri bat jarri dute martxan, herritarrek beira gehiago birziklatu dezaten. Ekimen honi esker, baloi itxurako 15 edukiontzi jarriko dira Mankomunitateko udalerrietan. Horietako bat Hernanin jarriko da. Futbol baloiaren forma izango dute eta kolore txuri-urdina.
Oraindik zehazteko dago non jarriko duten.
Kirol zaletuen
arreta piztu nahi
Ekimenaren bultzatzaileek azaldu dute, orokorrean biztanleen, eta bereziki, kirol zaletuen arreta lortu nahi dela. «Eta horretarako edukiontzi ikusgarriak erabiliko dira», gaineratu dute.
Iaz, %3,7 gehiago
2012an, %3,7 kg beira gehiago birziklatu zituen Mankomunitateak, 2011 urtearekin konparatuta. Eta herritar bakoitzak 33,7 kg birziklatu zituen 2012an, bataz beste. Datuak hobetzen joatea da helburua.
25.000 euro, konpostatzea bultzatzeko
Gipuzkoako Foru Aldundiak eta bertako 8 mankomunitateek hitzarmena sinatu dute konpostatzea bultzatzeko. San Marko tartean da eta gainerakoei bezala, 25.000 euro emango dizkio Diputazioak. Aldundiaren esanetan, hi-tzarmena lotuta dago hondakinak prebenitzearekin eta enplegu berdea sortzearekin.
Erraustegia, etenda
Gipuzkoako Hondakinen Kontsortzioak eta UTE Gipuzkoa CGRek eten egin zuten atzo Zubietako erraustegia eraikitzeko kontratua. GHKk 8.190.000 euro ordainduko dizkio, kalte-ordain gisa.