Gipuzkoako Foru Aldundian, Bilduk, Foru Arauaren proiektu bat aurkeztu du defizitaren flexibilizazioari dagokiona. Proiektua onartu egin da Bildu eta EAJren botoei esker eta Hernaniko PSE-EE ez dator bat ezarritako diru kopuruarekin eta banatzeko irizpidearekin. Denera 18 milioi euro bideratuko dira eta beste inbertsioen artean, 6 milioi zuzenduko dira Gipuzkoako udalerrietako inbertsioetara. «Bilduk eta EAJk onartutako banaketa sistema honek biztanle gutxiago dituzten udalerri txikienei laguntzen die eta modu neurrigabean. Eta kalte egiten die biztanle gehiago eta karga gehiago dituzten herriei. Akordio honek Hernani zigor-tzen du», azaldu dute Hernaniko sozialistek. Honako adibidea jarri dute: «Astigarragan, 5.000 biztanlera iristen ez den herrian, biztanle bakoitzeko ia 16 euro jasoko dituzte; Hernanin, berriz, ez gara 10 eurotara iristen eta ia 20.000 biztanleko herria da».
Klientelismoa
«Ez dugu ulertzen zigor hau, ezta sozialiston proposamena ez aztertu izana, biztanleriaren araberako sistema progresiboan oinarritzen dena», salatu dute. Hernanik, Zaharren Egoitza dauka eta nahiz eta Udalaren eskumena ez izan hainbat gasturi aurre egiten ari da eta horretarako diru partida bat ere proposatzen dute sozialistek.
«Bilduren Diputazioak eta EAJk, bere laguntzarekin, aurrera daramate klientelismo politika, gutxi batzuen onurarako eta gipuzkoarren gehiengoaren kaltetan», diote.