Stop Kaleratzeak taldeko abokatuek salaketa aurkeztuko dute gaur Donostiako epaitegian, Kutxaren aurka. Behin IRPH Cajas desagertuta, kontratua ez dela ari betetzen salatuko dute. Hori horrela, herritarrei Atotxako epaitegietara azaltzeko dei egiten diete Hernaniko taldetik. «Berriz ere, taldeko abokatuek lagunduko digute musu truk eta kaltetua baldin bazara, egin dezakezun gutxienekoa abokatu hauen lana eskertzea da, salaketaren momentuan bertaratuz», azaldu dute. Eguerdiko 13:00ak baino lehenxeago jarri dute hitzordua.
IRPHren ordezkoa, berehala
«Azaroaren 1a pasa da, IRPH Cajas desagertu da, eta Kutxarekin hipoteka dugunoi kontratuan aurreikusitako ordezkoa aplikatu behar zaigu; normalean, Euribor+%1. Ez dio axola, atera duten legeak hurrengo errebisioan aplikatu behar dela esateak. Kontratua horren gainetik dago eta berehala aplikatu behar zaigu», nabarmendu dute.