Joan den ostegunean hasi zen Emozioak nola gestionatu izeneko ikastaroa, adinekoak zaintzen dituztenentzat. Bihar bigarren saioa izango da eta ikastaroko arduradunak, hau da, Karmele Gurrutxaga psikologoak azaldu du lasai agertu daitezkeela zaintzaile berriak, ondorengo saioetara ere.
Ikastaro hau, Gipuzkoako Foru Aldundiak, Hernaniko Ongintza Patronatuak eta Matia Institutoak antolatu dute. Euskeraz da, Gipuzkoan egingo den aurrenekoa, eta Ongintzatik animatu egin nahi dituzte euskaldunak diren zaintzaileak.
Aurreko astean 8 zaintzailek hartu zuten parte.
Ostegunero, saioak
Biharkoaz gain, beste bi saio ere izango dira azaroko ostegunetan. Biterin izango dira 15:00etatik 17:30etara.
Parte hartzeko, izena eman behar da: 943 55 78 54.