Munduan punta batetik bestera ibiltzeko aukera izango da aste honetan Hernanin. Mendiriz Mendik lau bidaiari buruzko lau proiekzio ekarriko ditu, Mendizale Astearen barruan. Horrez gain, umeei sariak, argazki lehiaketa eta Mendiriz Mendiko web berria aurkeztuko dituzte. Igandean, mendi buelta, Pagoetan.
Nepalen hasi, mendirik
ederrenetako batean
Iñaki Zuza hernaniarrak Nepalera eramango gaitu, Himalaia ekialdeko mendirik ikusgarrienetako batera: Ama Dablam (6.812 m).
Beste hernaniar batek ere emango du proiekzioa, baina ostegunean. Angel Beldak Mendiriz Mendiko bazkideei uzten zaien aukera baliatuko du, Noruegari buruzko proiekzioa emateko, ostegunean. Hori baino lehen, astearte eta asteazkenean, Groenlandia eta Iran ezagutzeko aukera izango da. Proiekzio guztiak 19:30etan izango dira, Biteri kultur etxean.
Web orrialdea
Mendiriz Mendik ere lana egin du garai berrietara egokitzeko, eta web orria aurkeztuko du ostegunean. Aurretik Umeen tartea eta Argazki Lehiaketako saribanaketa.
Astea bukatzeko, mendira
Mendizale asteari bukaera emateko, zer hobea mendira joatea baino. Igandean, Laurgaingo parkean ibiliko dira, Pagoetan. Errota ere ikusiko dute, eta Aia herria...
Mendizale Astea
Azaroak 11, astelehena
19:30 Iñaki Zuza - Ama Dablam (6.812 m). Nepal, Himalaia.
Azaroak 12, asteartea
19:30 Kepa Escribano: Groenlandia Paralelo 60. Belaontziz.
Azaroak 13, asteazkena
19:30 Mila Gallastegi eta Asier Aranzabal. Iran. Ohizko gauzetatik alde egiten duen bidaia.
Azaroak 14, osteguna
19:30 Angel Belda - Noruega.
Ondoren, Elkarteak urtean zehar egindako irteeretako emanaldia.
Azaroak 15, ostirala
18:00 Umeen tartea. Gaztetxoen irteeretako argazkiak eta dominak.
Ondoren, 34.Argazki Lehiaketa. Saribanaketa eta Mendiriz Mendiko web orriaren aurkezpena.
Azaroak 17, igandea
Pagoetan ibilbidea: Laurgain.