orain arte galerazia zegoen, baina aurrerantzean Nafarroako ganaduzaleek euren animaliak mendian utzi ahal izango dituzte, hiltzen direnean. Bazkarako eta esnetarako animalien kasuan baimenduko dute animalia hil ondoren mendian uztea: behor edo betizu, ahuntz eta behien kasuan. Ardien kasuan, haragitarako direnean utzi ahal izango dira, eta esnetarako direnean latxa arrazakoak izan beharko dute.
Sai edo putreentzat bazka
Hildako haragia jaten duten hegaztien mesedetan hartu dute erabakia; inguru honetan saiak edo putreak, gehien.
Eskaera bereziak eginda
Nafarroako Foru Aginduak dioenez, ez da baimenduko edozein lekutan animalia hil eta bertan uztea, inori jakinarazi gabe. Aurretik hartarako baimena emandako lekuetan utzi ahal izango dira animaliak hilda. Batetik, horretarako zonaldeak zehaztuko ditu Gobernuak. Bestetik, zonalde horretatik kanpora, herriek edo banakakoek bazkalekuak jartzeko eskaera egin beharko dute, eta hartarako baimena duten kasuetan bakarrik utzi ahal izango dituzte animalia hilak.