Bilera egingo dute datorren ostegunean, 19:30etan Biterin, Saharako janari bilketa antolatzen hasteko. Saharako errefuxiatuen kanpamenduetan baldintza gogorretan bizi dira, eta urtero laguntza moduan janaria bidaltzen zaie, beste hainbat ekintzaren artean. Herri asko eta asko dira janaria bidaltzen dietenak, eta horien artean bat Hernani.
Iaz 5,5 tona bidali ziren
Janaria eta behar beharrezko produktuak bidaltzen dira urtero saharar kanpamenduetara: azukrea, lekaleak, atuna eta sardinak, arroza, pasta, konpresak... iaz ere hernaniarrak portatu ziren, eta 5.500 kg bidali zituzten hara. Gipuzkoatik 60.000 kg bidali ziren, bi kamioi bete bete eginak, alegia. Antolatzaileak gustora zeuden emaitzarekin.
Janari bilketa antolatzea ez da ordea, nolanahiko lana izaten, eta aldez aurretik prestatzen hasteko, bilera egingo dute ostegunean.