‘Kutxacar’ izeneko kotxea Hernanin izango da larunbatean, IRPH indizea azaroaren 1etik legezkoa ez dela salatzeko, eta horren ordezko indizea aplikatu behar dela eskatzeko. Hernaniko STOP Kaleratzeak taldeak jakinarazi duenez, Kutxacar herriz herri dabil informazioa emanez, eta larunbatean Plaza Berrin izango da egun guztian.
Noiztik aplikatu behar da epaileek diotena?
Mailegu hipotekarioa duten askok, IRPHa ordaintzen dute, eta epaileak esan duenez, IRPHa legez kanpokoa da. Epaileak adierazi du, azaroaren 1etik aurrera legez kanpo geratu dela IRPHa, beraz, beste indizea bat aplikatu behar zaie afektatuei. STOP Kaleratzeak taldeak adierazi duenez, Kutxan egindako hipoteka gehienen klausuletan jartzen du, IRPHak balioko ez balu, Euribor+1 aplikatuko dela. Orain kontua da, noiztik aplikatu behar duen Kutxak epaileek diotena: azaroaren 1etik aurrera, ala bezero bakoitzari hipoteka errebisatu behar zaion datatik aurrera? Afektatuen iritziz ez dago dudarik, IRPHa legezkoa ez den egunetik bertatik. Horrek, diferentzia haundia eragingo lieke bezeroei hilero ordaindu beharreko kopuruetan, kasu batzuetan kopurua dezente jaitsiko litzatekeelako.