Asko dira etxean adineko ezinduak zaindu behar dituzten familiak. Horiei laguntzeko asmotan, Sendian programaren barruan ikastaroa antolatu du Ongintzak, Diputazioaren laguntzarekin. Euskeraz izango da, eta helburua da zaintzaileek prozesu hori errazteko behar dituzten pausuak ikastea. Ikastaroa azaroaren 7an hasiko da, eta lau saio izango ditu: azaroaren 14, 21 eta 28an gainerako hiruak. Aurreneko saioan emozioak eta norbereburuaren zaintzak duen garrantzia aztertuko dute: arriskuak, mugak... Dolua izango da bigarren saioko gaia: motak, etapak, laguntza... Hirugarren saioan autoestima nola sendotu erakutsiko dute. Eta laugarren eta azkenekoan, emozioek sortu ditzaketen kalteak nola saihestu: antsietatea, depresioa, estresa...
Izena eman behar da
Ikastaroa Biterin emango da, 15:00etatik 17:30etara. Izena emateko epea zabalik dago; Ongintzan bertan eman liteke, edo 943 55 78 54 telefonora deituta.